حصد مؤتمر وزارة الرياضة الصحافي، المنظم الأحد، على اهتمام وتفاعل مدوني منصة «إكس» للتواصل الاجتماعي، ما بيّن مؤيد لإجابات سعد اللذيذ، نائب رئيس مجلس إدارة رابطة دوري المحترفين، ورئيس برنامج استقطاب اللاعبين، على الصحافيين، وما بين معارض.
إجابة اللذيذ عن دعم الأندية، نالت نصيب الأسد من تفاعل المدونين، والتي أوضح خلالها أن الدعم متساوٍ للفرق كافة، لتنقسم الجماهير إلى طرفين، طرف وصف إجابته بغير الواضحة، وليست دقيقة، وقال ناهي :«عدد اللاعبين متساوٍ لكن قيمة العقود كم؟»، وكتب جب: «وش الاستغفال ذا، فرق الدعم يقاس بالكم ماهو بالكمية، لما تعطي الأهلي ستة أغلى واحد فيهم بـ30 مليونًا، والاتحاد خمسة أغلى واحد فيهم بـ40 مليونًا، والهلال عنده خمسة لاعبين من ثمانية أقل واحد فيهم بـ40 مليونًا، هذا إن دل يدل على أنك متوهق يا سعد، وطلعت بعذر أن عددهم متساوٍ، ومع أن الفوارق الفنية والمادية كبيرة جدًا»، لتتفاعل رهيف قائلة: «ايه ايه معاليك مصدقينك كمل كمل»، وكتب أبو سلمان: «مافيه مشكلة بنصدقك، لكن ممكن نعرف قيمة لكل نادٍ! ومتى راح يتساوى الدعم بينهم ؟»، وقال سعود :«يعني يبي لنا لاعب فئة A عشان نتساوى مع الأهلي»، وكتبت جوجو: «المشكلة قبل الشتوية قال بس بونو من ميزانية الهلال كيف كذا غير كلامه؟»، وناصر علق قائلًا: «مع أنه مستحيل ذا الشيء يصير خاصة مع النصر، بس لو سلمنا في ذلك، وقلنا كل نادٍ 5 ليه ماطلع مبلغ الدعم لكل نادٍ؟ وإلا نيمار بقيمة 5 أجانب الاتحاد كلهم.. صعبة».
وذهب الطرف الثاني إلى تصديق إجابة اللذيذ، وكتبت إيلما: «وأخيرًا سمعنا المعلومة الحقيقية من المسؤول المباشر على ملف التعاقدات، وين اللي طلع وقال مستحيل وأتحدى أحد يدفع في الأندية وبعدها بكم يوم طلع يشكر داعمًا، كل نادٍ يتحمل نتيجة اختياراته، وفي نادٍ قرر يختار العطاء على الاسم، ولذلك فرق عن الكل الموضوع بهذه البساطة»، وتفاعل مالديني قائلًا :«الاتحادي مازال مو مصدق أن الدعم متساوٍ»، وقال سلمان: «لا أسمع أحدًا يصيح على الهلال الحين»، ليتفاعل معه راشد بـ:«وين اللي يقول الهلال أكثر من اندعم؟!»، وكتب سامي الحربي: «الدعم متساوٍ لجميع الأندية، لكن النادي اللي عليه ديون تم تسديدها بالميزانية حقته والباقي من ميزانيته جاب فيها لاعبين»، ليتجاوب معه أي بقوله :«ظهر الحق»، وقال أبو نواف: «الحقائق مؤلمة وصيح ياللي صيحك لذيذ»، وكتب أبو علاوي :«أقسم بالله أن بعض مجالس إدارة الأندية متعو على البكائيات، ونظريات المؤامرة، الحكومة ما قصرت والبرنامج دعم الأندية السعودية بمبالغ تفوق كبار أندية أوروبا، ولي اليوم نسمع صياح، شذنب البرنامج أن أنت ما تعرف احتياجاتك؟ واحد جايب جوتا وما سجله هذي مو فلوس اندفعت؟ ومن يتحمل الخطأ؟»، لينال على تأييد سالم آل كليب الذي قال: «الكل مدعوم والاختيارات كانت من إدارات الأندية حتى الأندية اللي خارج الصندوق تكفلت الوزارة بجلب 2 لاعبين لهم من اختياراتهم فشكرًا لدولتنا على هذا الدعم الكبير وبإذن الله نشوف دورينا ضمن أفضل 5 دوريات بالعالم قريبًا».